WAROENG BINGOENG

SETING

HIJI KAMPUNG NU NGARANA RANCA GANDENG. SISI JALAN AYA WARUNG NYANGHAREUP KA JALAN NGAN RADA KA JERO DI HAREUPNA AYA PARANTI DIUK. MANGRUPA GOGORENGAN, CIKI, KOPI, SUSU, SHAMPO,BOTOL BENGSIN DI DEUKUT TEMPAT DIUKNA JEUNG RUPANING JUJUALAN AYA DI WARUNG ETA NGAN PEDAH TEU REMPEG KAWAS WARUNG-WARUNG NU LIANNA, NU JADI KHAS DI WARUNG ETA NYAETA LOTEK. DI SISI BELAH KENCA AYA BURUAN NU DI KURILINGAN KU PAGER JEUNG AYA POPOEAN. SISINA AYA POS RONDA NU RADA BELAH HAREUP SAEUTIK EWEUH PANTOAN NGAN AYA AKSARA “POS RONDA” DI LEBAH ROHANGANNA.

BABAK   I
ADEGAN            I

Isuk-isuk keneh geus loba jelema nu ngaraliwat di buruan jeung di jalan ku rupa-rupa kaperluanna sewang-sewangan. Warung mah can di buka, ceu Dewi nu boga warung keur sasapu di buruana bari kukulutus :

Dewi

na urut naon atuh meni balatak botol jeung cangkang suuk tiap isuk teh, piraku suuk di coelan ku kecap mah, jaba meni loba deuih botol jeung cangkang suuk teh. Tapi naha sugan anyar botol kecap ayeunamah nya? Gambarna oge meni aya aki-aki janggotan sagala? Tapi lumayan urang kumpulkeun ke geus loba mah jual ka tukang kokorompong pan lumayan. Iyeu meureunan rejeki nu di bere ku pangeran tiap isuk-isuk. Nuhun gusti…… (bari mawaan botol di abuskeun kana karung)
Ucup

(lumpat semu rusuh) ceu nginjeum panyiuk sakeudeung….
Dewi

 aeh, angger ari rek ka pacilingan teh tara mawa panyiuk, ke dagoan sakeudeung. (abus ka imahna)
Ucup

rusuh puguh, da tadinamah ek nyabu ka kang nana (nungguan dina korsi hareupeun warung)
Dewi

(bari kaluar mawa ember tilas cet) na rek nanahaon nyabu ka si nana? Lainna dagang bubur lin? (ngasongkeun ember)
Ucup

leuh, panyiuk ceu lain ember, atuh ke hese rek ombeh teh (bari nyekelan bujur)

Dewi

eweuh keur di pake mandi ku si nyai, matak naon ku ember oge meh loba manjurna
Ucup

heug atuh di injeum heula nya…? (bari beretek lumpat)
Dewi

si kehed. (abus ka warung mukakeun gebyogna bari ngagorowok) nyai pang nyokotkeun popoean teundeun di lawang panto
Nyai

(ngagorowok) enya…
Dewi

si cecer nembalan ka kolot, muhun kituh ! (nyai neundeun poeun)
Nyai

tah… (bari ngaleos)
Dewi

(gogodeg terus moekeun eta poe eun) budak teh, anggur mah poekeun langsung iyeumah kalah nitah deui ka kolot (ucup balik deui mikeun ember)
Ucup

ceu nuhun. (ngaleos)

Dewi          

(bari meret baju) ngemplong nyah? (nuluykeun popoe terus asup nungguan warung)
(teu kungsi lila datang nu meuli)
Fikri           

 ceu kopi hideung jeung roko sabatang (diuk di hareupeun warung)
Dewi        

 (ngaladangan) rokona ek roko naon?
Fikri         

  biasa lah nu nojos we…..

Dewi

( mikeun roko da geus apaleun ) di gawe anggurmah meungpeung ngora keneh, iyeu mah ti tilik-tilik unggal isuk asa angger wae kalakuan teh

Fikri

Lah ceu, laing embung gawe tapi da lieur ayeunamah neangan gawe teh hese pisan, ngalamar kadieu kudu tamatan D3 ngalamar kaditu kudu S1 ah lieur ceu

Dewi

Kapan loba atuh pigaweun nu teu kudu make D3 jeung S1, tuh contona kang nana SD ge teu tamat, geuning bisa dagang bubur

Fikri

Lain ku kituna ceu, terus naon gunana coba pamarentah ngawajibkeun belajar 12 taun? Ari geus 12 taun eweuh buktina?

Dewi

Etamah atuh ngarah untung pamarentah meureun da lamun teu kitu rek timana meunang bati….. (bari ngagebah laleur)

Fikri

Numatak uing mah ek tetep kieu, haying nyaho we uing nu eleh atawa pigaweun nu datang (ngaluarkeun haseup)

TEU LILA DATANG SI INYONG PANONNA SEMU BEUREUM LEUMPANGNA RADA NGADAYAGDAG

Inyong

Menta udud euy

Fikri

Cik atuh manehteh isuk keneh geus kieu

Inyong

Udud buru

Fikri

Ceu berean sabatang ! ( dewi ngaladangan semu heran )

Dewi

Ubaran atuh ari nyeri panon mah

Fikri

Lain nyeri panon etamah ceu pastina oge nyeri hate

(inyong diuk di belah kenca fikri)

Dewi

Ke,ke, asa teu nyambung nyeri hate jadi nyeri panon

Inyong

Kolot teu boga cedo, urang ge da anakna bener teu kri? Datang ka imah kalah di Tanya “ sinarieun maneh aya di imah”

Fikri

Mun urang mah nyong ek atoh jadi urang bisa bebas ulin, yeuh urang mah teu kaop nyingkah ti imah rada lila der di tanyakeun, asa teu tenang

Dewi

Nyaah ka maneh etateh

Inyong

Saha nu nyaah ceu?

Dewi

Lain ka ilaing ka si fikri

Inyong

Berarti kolot uing mah teu nyaaheun ka uing nya? (nguyup kopi)

Dewi

Pang nungguankeun warung sakeudeung ek moe pare

Fikri

Nya sok ceu di tungguan

DATANG TUKANG KIRIPIK NU SOK NEUNDEUN DI WARUNG ETA

Tukang kiripik

Kang bade ngintun kiripik deui

Inyong

(seuri) 20 siki we mang

Fikri

His ulang ketang teu apal kuring mah mang…. Ke dagoan ceu dewi

Tukang kiripik

Aduh punten kang ieu teh nuju rusuh, atuh saena saur akang sabara hiji supados tereh… (inyong seurina beuki tarik)

Fikri

Aeh- aeh ari emang, nu boga warungna keur moe pare,

Tukang kiripik

Atuh manawi kersa akang janten tukang warungna (inyong seuri beuki tarik)

Fikri

Itu gera si emang, henteu mah kasurupan… ceu yruh aya kiripik

Dewi

Sok we aropi

Fikri

Lain kiripik ceu tukang kiripik

Inyong

Haduh nyeri kulit beuteung

CEU DEWI GANCANG DATANG KA WARUNG

Dewi

Aeh emang kamana wae atuh?

Tukang kiripik

Lah biasa we ceu dagang kiripik

Dewi

(ngasongkeun kiripik Bees) tah mang nu kamari geus hapeuk, ayeunamah ulah loba teuing ah…

Fikri

Untung can muka kiripik

Tukang kiripik

Leuh ceu geuning loba? Atuh jang padahalmah bukaan we atuh itung-itung tutulung ka tukang tanggung

Dewi

Boro-boro ek nulungan atuh, puguh jelema teh teu boga panghasilan

Inyong

Uing mah boga ceu enya ge teu gede

Tukang kiripik

Tah atuh ujang ieu mah sugan bade nulungan ka tukang tanggung

Inyong

Eh mang lain embung nulungan, uing ge tulunganeun

Tukang kiripik

Leuh, ceu kiripikna 10 we nya?

Dewi

Nya sok

Tukang kiripik

Ah kang punten nya da emang mah sok heureuy

Fikri

Teu nanaon mang

Inyong

Jung mang lah di du’akeun sing payu eta tanggungan

Tukang kiripik

Nuhun jang ah, ceu nu kamari engke we hijikeun jeung nu ayeuna nya?

Dewi

Heug atuh ari kitu mah

Tukang kiripik

Marangga atuh ah ka sadayana  

Kabeh

Mangga….

TUKANG KIRIPIK TULUY INDIT, INYONG JEUNG FIKRI NGAHARULENG CEU DEWI NULUYKEUN DEUI POPOE PARE. POE MEUJEUHNA PANAS TOROJOL DATANG SADE TUKANG OJEG NU BIASA CICING DI WARUNG ETA

ADEGAN 2

Sade

(nyetandarkeun motorna) Haduuuhh eta geus aya deui wae, ku betah- betah teuing atuh cicing di warung

Fikri

Eh de, geus sabara kali narik eung?

Sade

(hp na di sada) samlekum? Kumaha ? oh nya atuh… (nutup telepon) kela narik heula

Inyong

Anjir… karek ge datang geus narik deui wae… asa mending ngojeg eung…

 Fikri

Tah sia mah sok gehgeran, paur maneh mah

Inyong

Paur kunaon?

Fikri

Nya paur we sok sieun aya siraru muir na lampu der pupuiran

Inyong

Ngabodor ?

Fikri

nyong di jero yu ah…

Inyong

hayu

FIKRI JEUNG INYONG ABUS KA JERO WARUNG DA GEUS BIASA WAKTUNA GOGOLERAN. DEWI SARUA ABUS KA WARUNG TERUS NGINUM GEK DIUK DI WARUNG. DATANG NYAI NYOKOT DAHAREUN INDIT DEUI KA JERO IMAH. TIISEUN WAKTU HARITA TAPI AYA SORA NU KALUAR TINA CORONG MASJID

“ assalamualaiku warohmatullohi wabarokatuh”

Dewi

Tah sugan aya nu maot? Pedah kamari raeng sora cit incuing

Sora

“ka sadaya warga kampung rancagandeng anu sampahna teu acan di kaluarkeun sopados di kaluarkeun, kumargi patugas kebersihan bade dongkap. Kumargi sakitu mangga ka sadayana eta sampah supados di kapayunkeun. Hatur nuhun wassalamu’alaikum warohmatullohi wabarokatuh”

Dewi

Wa’alaikum salam warohmatullohi wabarokatuh, aeh suga teh nu maot

KABEH JELEMA NEUNDEUNAN RUNTAH KAK SISI JALAN PON NYAKITU DEUI DEWI OGE SARUA

Dewi

Nyai… runtah nu dina keresek bawa kaluar

NYAI KALUAR MAWA RUNTAH DI TEUNDEUN KA HAREUPEUN IMAH. TEU LILA DATANG PATUGAS SAMPAH MENERAN MAWA SAMPAH NU DI WARUNG ETA.

Patugas

Ceu aya keneh runtahna?

Dewi

Atos jang…

SORA CORONG MASJID KADENGE DEUI NYETEL KASET NU NGAJI TANDANING REK LOHOR

Patugas

Allhamdulillah, lohor geuning. Ah sakalian istirahat heula di dieu nya ceu? Cik ceu ninyuh kopi susu

DEWI NGALADANGAN

Dewi

Iyeu jang…  jang meni betahan digawe dina runtah? Kapan bararau

Patugas

(bari nguyup) ah ceu ku kuring mah geus teu jadi sual bau mah da meureun geus kuduna kuring kieu

SORA ADAN LOHOR KADENGE TINA CORONG MASJID. OBROLAN EUREUN HEULA NEPI KA TAMAT ADAN

Patugas

Kela ceu rek salat heula ( indit ka masjid )

ADEGAN 3

DATANG ASEP

Asep

 beuh hangru kieu… cik ceu rook bodas sabungkus…( asep nangkring di warung)

Dewi

Iyeu kanga sep

Asep

Kopi saha ieu?

Dewi

Oh etamah tuh nu patugas runtah, keur salat heula

SABOT RAREPEH DATANG DEUI PATUGAS NU BALIK TI MASJID. DIUK PAHAREUP-HAREUP JEUNG ASEP. TAPI ASEP KALAH NUTUPAN IRUNG KU BAJUNA.

Patugas

Allhamdulillah, reugreug ari geus salat mah… nepi mana ceu tadi teh?

Dewi

Nya tadi kunaon make jeung betah sagala da garila atuh dina runtah mah

Patugas

Ceu, nu pang geuleuh-geuleuhnamah justru jelema,

Asep

Naha mang? (bari nutupan irung)

Patugas

Ari jelema mah di jieuna oge tina nu geuleuh

Dewi

Kapan tina taneuh lin?

Patugas

Etamah asalna ceu, kapan nu puguh mah jelema teh di jieun tina cai mani. Sok coba aya teu tukang dagang nu nawarkeun cai mani? Moal aya ceu, mun dagang susu aya….

Asep

Lakh mang meni bau atuh?

Dewi

Ek teu bau kumaha da geus puguh digawe dina runtah. Manasina digawe di kantoran

Patugas

Ah ceu ulah sok ngabeda-bedakeun jelema da anger ari geus di cabut nyawa mah eweh nu bisa di bawa iwalti amal urang

Asep

(muka irungna bari semu era)

Patugas

Ah ceu jadi mamatahan ngojai ka meri ieu teh nya kang? Sabara kopi ceu?

Dewi

Dua rebu

PATUGAS MIKEUN DUIT BARI INDIT. ASEP NGAN NEMPOKEUN SEMU BINGUNG.

Dewi

Alus gening najan pagilinggisik jeung runtah tapi hatenamah teu jiga runtah

ASEP TUNGKUL. NGARUMAS DIRI

Asep

Ceu roko sabaraha?

Dewi

Dua belas rebu

Asep

Ke nya ceu uing teu nyekel duit ( bari indit rurusuhan )

Dewi

Jiga nu heueuh jelema beunghar ari nyatana roko ge nganjuk…

ADEGAN 4

DATANG SADE BALIK NARIK

Sade

Ceu barudak kamarana?

Dewi

Tuh di jero, biasa we kerek jiganamah

DATANG DEUI HAPID JEUNG ETOM. NALANGKRING

Etom

De marema?

Sade

Lumayan kang aya jang sakiloeun mah

Hapid

Wi lotek nu atah

DEWI NGALADANGAN LOTEK

Hapid

Lah jangar aing mah

Sade

Na jangar ku naon atuh kang?

Etom

Ari maneh pid, na teu kadeuleu kitu majarkeun maneh jangar, komo urang lewih jangar

Hapid

Lain kitu kang, enya etuda ayeunamah nempo berita meni loba pisan kajadian anu aheng

Sade

Geus biasa kang atuh da ayeunamah geus jamana

Dewi

Iyeu kang lotekna

Etom

(mawa lotek eta terus di dahar)

Hapid

Teu beak piker uing mah eta aya budak nu ngagawean indungna,

Etom

Gelo etamah

Sade

Kang etamah lotek kang hapid

DEWI NYERENGEH

Hapid

Aeh ari kang etom sok padu ngopi

Etom

Da bongan maneh kalah jangar (lotek sesana di ka hapidkeun)

Hapid

Kapan keur nyarita heula (bari belewek di huapkeun)

Sade

Uing mah balik hela ah hayang sare (sade balik )

Hapid

Wi sabaraha?

Dewi

Sarebu limaratus

Hapid

Tah, kang hayu ah kapan ek nempo balong?

Etom

Nya hayu atuh, wi ka balong heula

Dewi

 Mangga…. Ari barudak teh ek harudang moal?

DEWI JAJAIT POPOEAN BAJU JEUNG PARE

BABAK 2

ADEGAN 4

CORONG MASJID DI SADA DEUI TAPI AYEUNAMAH ADAN MAGRIB.  WARUNG DEWI DI PAKE NALANGKRING BARUDAK PAMUDA AYA NU METIK GITAR JEUNG AYA NU NGALOPREK HAPE. KADENGE NU NYANYI MENI SUMANGET

Kabehan

Begini nasib jadi bujangan ke mana-mana asalkan suka

Tiada orang yang melarang

Hati senang walaupun tak punya uang…euuuyyyy..

Hati senang walaupun tak punya uang (sareuri )

KEUR KITU INYONG JEUNG FIKRI KALUAR TI JERO WARUNG

Fikri

Geus peuting geningan euy? Cik ceu mi rebus, asa can dahar

Oos

Kri maneh can balik-balik nya?

Inyong

Kapan geus jeung urang atuh…

Budi

Nyong aki maneh nanyakeun

Fikri

Asik euy jigana kabagean yeuh…

Ate

Jig jig inyong sampeurkeun heula

Inyong

Lah males nyampeurkeuna oge, goceng pertama lah sakeudeung deui warung tutup yeuh…

Oos

Tah ti urang goceng

Budi

Urang mah eweuh duit eung bekel saminggueun beak kapan peuting meuli arak

Fikri

Tah si ate atuh, kali-kali mah nyumbang

Inyong

Te maneh nyumbang moal?

Ate

Sampeurkeun heula aki maneh

DATANG UYA ,ADUY JEUNG ROBIN

Aduy

Haduh ieu pemuda bingung

Uya

Kawas maneh teu bingun

Robin

Heueuh nya ya?

Fikri

Geus lah ayeunamah nyumbang moal

BARUDAK MARIKEUN DUIT KA INYONG SAWAREH AYA NU INDIT BALANJA CAI NA.

Inyong

Geus lah opat mahi nya?

Ate

Urang mah moal ah ( balik )

Robin

Si ate mah tara kana nginum ngan ka awewe beuki

Fikri

Mending urang atuh tara ka awewe jadi nginum

KEUR RAME CEU DEWI NGOMONG

Dewi

Tah kabeneran araya, ari unggal peuting sok naraon mareuli kecap jeung suuk saloba-loba?

Barudak

(seuri semu nu bungah)

Inyong

Tah si fikri nu sok nguyupan kecapmah jeung si budi

Aduy

Botol kecap naon ceu?

Uya

Eta meureun si orang tua berjanggot

DATANG NU MEULI CAI

Budi

Eweuh eung nu biasa mah ngan aya hiji geus we meuli ieu

Fikri

Bae lah nu aya we

Inyong

(nyokot botol di tunjukeun ka ceu dewi) nu kieu ceu?

Dewi

tah enya eta

Inyong

Lain kecap tapi artis

Barudak

(seuri)

Fikri

Nyong buru lah suukna kade roko nap oho

Oos

Ke atuh can di tutup warung ge

Inyong

Ceu suuk jeung rokona

Aduy

Bud stel atuh gitar teh

NYAI KA WARUNG NITAH NUTUPAN WARUNG

Nyai

Mamah tutupkeun warung teh

Ate

Inyong maneh balik heula

Inyong

Aeh si ate puguh hoream

Dewi

Cik lah pang nutupkeun

WARUNG DI TUTUPKEUN HAWA BEUKI TIIS JEUNG NGADADAK JEMPLING. 

ADEGAN 2

BABAK 5

SORA GITAR MARENGAN BARUDAK NGARINUM

Uya

Nyong sampeurkeun heula bisi aya nanaon

Fikri

Heueuh nyong sampeurkeun bisi penting

Inyong

(Bari nyekel botol) aim ah mening abok. Bud tabeuh atuh gitarna

Budi

(ngalagukeun lagu nu teu puguh kadengena)

Fikri

Lain maneh kabeh bingung nya?

Oos

Naon kitu ?

Fikri

Ku urang iyeu warung ek di ngaranan warung bingung satuju teu?

Inyong

Satuju lah pokonamah kabeh nu nalangkring di dieu pasti keur baringung (seri meni tari)

KEUR KITU SORA CORONG MASJID KADENGE BARUDAK REPEH HARITA.

“assalamu’alaikum warohmatullohi wabarokatuh, innalillahi wainna ilaihi roji’un parantos mulih ka rohmatulloh saderek bapak madraskin dina wengian ayeuna tabuh sabelas langkung duapuluh, ku kituna mangga urang sami-sami du’akeun mudah –mudahan di tampi iman islamna allohummagfirlahu warhamhu waafihi wafuanhu, wassalamualaikum warohmatullohi wabarokatuh”

BARUDAK KABEH MELONG KA INYONG NU KEUR ANTENG NYEKEL BOTOL. SILIH HAREWOS, SILIH TUDUH, SILIH SERED TAPI TEU DAEK NGABEJAAN INYONG NGAN SILIH HAREWOS

Barudak

Akina si inyong (silih tempas)

Ate

Nyong ayeunamah maneh moal di titah balik deui ka imah moal di teangan

Inyong

(ngahuleng melong beungeut barudak hij-hiji reumbay terus  ngoceak) aki aiiiiiiinnnngggg……………! (ngababetkeun botol)

RENGSE……..!!!!

NU NGALALAKON

Dewi ( randa 50 taun nu boga warung )

Nyai ( 26 taun anakna dewi )

Ucup ( 28 taun )

Fikri ( 20 taun )

Inyong ( 26 taun )

Sade ( 38 taun tukang ojeg )

Patugas runtah ( 36 taun )

Asep ( 40 taun )

Etom ( 62 taun boga panyakit burut )

Hapid ( 48 taun rada setruk )

Oos ( 19 taun )

Budi ( 19 taun )

Ate ( 29 taun )

Aduy ( 29 taun )

Uya ( 25 taun )

Robin ( 21 taun )